Kigali: Polisi y’igihugu yerekanye 45, barenze ku mabwiriza yo gukumira COVID-19
Yanditswe na Editor
Polisi y’igihugu kuri uyu wa 24Mata 2020, yerekanye abaturage bagera kuri 45 barenze ku mabwiriza ajyanye no gukumira icyorezo cya Covid-19, aba bose ngo bakaba bazahanwa hakurikije amategeko.
Umuvugizi wa Polisi y’u Rwanda CP John Bosco Kabera yatangaje ko aba bose bafashwe muri rusange bakoze amakosa yo gukora ingendo zitari ngombwa ndetse n’ibindi binyuranije n’amabwiriza yashyiriweho kwirinda cyorezo cya Covid-19.
Aba banyarwanda Polisi yerekane uko ari 45 ni bamwe mu barenga ku mabwiriza yo gukumira Covid-19
CP John Bosco Kabera yagize ati: “ Polisi ikomeje gukaza umutekano ndetse ntizahwema gufata abarenga ku mabwiriza ya Guma mu rugo, aha rero abanyarwanda barasabwa kubahiriza amabwiriza yashyiriweho kwirinda Icyorezo cya Koronavirusi (COVID-19) kandi uzafatwa wese yayarenzeho azahanwa n’amategeko, ubu Covid-19 ni icyorezo gikaze kandi tugimba kuzatsinda, dufatanije buri wese ashyizeho uruhare rwe”.
Aba baturage uko ari 45 bariyongera ku bandi 28 bafashwe kubera gushyira utubari mu ngo
Zabo n’abandi bagera kuri batanu bahamagaye ku murongo wa 114, washyiriweho kwakira ibibazo bigendanjye no kurwanya Covid-19 , bamwe bagahamagara batukana , abandi bivugira amagambo adakwiye , abandi bagasaba indirimbo, ibintu ngo Polisi itazihanganira.
562 total views, 2 views today
