Rwanda:Covid-19 imaze guhitana babiri bakora mu nzego z’umutekano
Yanditswe na Rwandayacu
Kuri wa 1 Nyakanga 2020 hatangajwe umurwayi wa gatatu wahitanywe na na Covid-19mu Rwanda, akaba yari umusirikare mu Ngabo z’u Rwanda (RDF) wafatiwe mu mahanga ari mu Butumwa bwa Loni bwo kubungabunga amahoro. Akaza yiyongera ku Mupolisikazi na we na we wari mu butumwa bw’amahoro, bivuze ko abakora mu nzego z’umutekano mu Rwanda bamaze kuba babiri.
Kugeza ubu abanyarwanda bagera kuri batatu ni bo bamaze guhitanwa n’iki cyorezo.Umurwayi wa kabiri mu nzego z’umutekano wishwe na COVID-19 yari umupolisikazi Eunid Mbabazi w’imyaka 24 y’amavuko, na we wanduriye mu Butumwa bw’Umuryango w’Abibumbye bwo kubungabunga amahoro. Inkuru y’urupfu rwe yatangajwe tariki ya 2 Kamena , nyuma y’iminsi itatu gusa hatangajwe uwa mbere tariki ya 30 Gicurasi 2020.
Bivugwa ko uyu wahitanwe na Covid-19 w’imyaka 51, ari musirikare wa RDF , akaba yari asanzwe afite ubundi burwayi.
Inkuru y’urupfu rwe kandi yatangajwe mu gihe umubare w’abarwayi bashya 17 na bo batahuwe mu bipimo 3,961 byafashwe mu masaha 24 ashize, hakaba hanatashye 33 bakize neza.
Umubare w’abamaze gukira COVID-19 ugera kuri 480 mu bantu 1,042 bamaze gutahurwaho icyo cyorezo mu Rwanda.
Abarwayi bashya batahuwe i Kigali:7, muri Ngoma:6, i Rubavu:2 na Rusizi:2,, bakaba bahise bashyirwa mu kato aho bakomeje kwitabwaho n’abaganga.
Abatuye u Rwanda basabwa kubahiriza amabwiriza yose yo kwirinda Covid-19 bambara udupfukamunwa no gukaraba intoki kenshi bakoresheje amazi meza n’isabune cyangwa arukoro yabugenewe kimwe no gusiga intera ya metero, birinda ingendo zitari ngombwa.
2,429 total views, 2 views today