Umunya-Senegal Mendy Edouard yamaze kwerekeza muri Chelsea

Yanditswe na Ndayambaje Jean Claude
Ikipe ya Chelsea yamaze gusinyisha umunyezamu Mendy Edouard akaba abaye umukinnyi wa 8 umutoza Frank Lampard utaritwara neza muri shampiyona y’ubwongereza aguze muri iyi mpeshyi mu rwego rwogukomeza kwiyubaka mu bwugarizi .
Chelsea iguze Edouard Mendy wakinaga muri Rennes yo mu Bufaransa, akaba yamaze gusinya amasezerano y,imyaka igera kuri 2.
Biravugwa ko yaguzwe agera kuri miliyoni 22 z’amapawundi,
Uyu Munya-Sénégal w’imyaka 28 y’amavuko, yakiniye Rennes imikino 25, nyuma yo kuyigeramo avuye mu ikipe ya Reims nayo yo mu Bufaransa mu mwaka wa 2019.
Kuri uyu wa kabiri nibwo Edouard Mendy yakorewe isuzumwa ryo kwa muganga muri Chelsea ngo barebe uko ubuzima bwe buhagazeFrank Lampard, umutoza mushya wa Chelsea yari yaravuze ko ashaka kongera uguhatana ku munyezamu “Kepa Arrizabalaga” ukomoka muri Espagne, waguzwe miliyoni 71 z’amapawundi mu 2018, amafaranga ya mbere menshi yari aguzwe umunyezamu ku isi.
Mendy yagize ati: “Nejejwe cyane no kugera muri Chelsea N’inzozi zisohoye kuba ndi umwe mu bagize iyi kipe ikomeye”.
Kepa yakoze ikosa ku gitego cya kabiri muri 2 – 0 Liverpool yabatsinze mu mukino wa Premier League ku cyumweru, Lampard avuga ko ryari “ikosa rigaragara”.
Uyu Munya-Espagne w’imyaka 25, no mu mwaka ushize w’imikino yabujijwe gukina imikino imwe nimwe kubera amakosa yari yakoze mu mikino itandukanye
Iyo irimo nk’umukino wa nyuma wa FA Cup ubwo yasimbuzwaga umunyezamu wa kabiri Willy Caballero, w’imyaka 38.
Ibyo wamenya kuri uyu munya-Senegal
Mu mwaka ushize w’imikino yari mu ikipe ya Rennes mu Bufaransa , Mendy ntiyinjijwe igitego (clean sheets) mu mikino icyenda mu mikino 24 ya shampiyona ya Ligue 1, ugereranyije na Kepa wagize ‘clean sheets’ umunani mu mikino 33 ya Premier League.
Mendy yakuyemo imipira ku kigero cya 76.3%, yinjizwa igitego muri buri minota 114. Kepa yakuyemo imipira ku kigero cya 53.5%, yinjizwa igitego muri buri minota 63.
Ariko, ikigero cya Kepa cyo guhereza umupira ukagera neza k’uwo awuhereje cyari kuri 79.7%, ugereranyije na Mendy cyari kuri 70.1%.
Mendy amaze gukinira ikipe y’igihugu ya Sénégal inshuro umunani. Abaye umukinnyi wa munani umutoza Lampard aguze kuri iyi mpeshyi.
Akurikiye Peter Cech wahoze ari umunyezamu wa Chelsea, na we wari wageze muri iyi kipe avuye muri Rennes mu mwaka wa 2004, ubu akaba ari umujyanama wayo mu mikinire.
Marina Granovskaia, umuyobozi ushinzwe imikino muri Chelsea, yagize ati:
“Peter Cech n’itsinda rya tekinike bakibona ko Edouard ari we munyezamu ukwiye kurusha abandi wo kunganira itsinda dusanganywe, umukinnyi umwe gusa ni we twashakaga kuzana.
Edouard aje nyuma y’umwaka yitwayemo neza muri Rennes, afite ishyaka ryo gukora ibirenzeho, kandi tumuhaye ikaze mu ikipe yacu”.
Chelsea ikomeje kwiyubaka nyuma yo gutsindwa na Liverpool 2_0 Chelsea ku munsi wa kabiri wa shampiyona y’ubobwongereza , abafana n,abakunzi ba Chelsea bakaba bakomeje kwibaza niba ishibora kuzitwara neza mu mikino irimbere cyane ko yashoye amafaranga atari make mukugura abakinnyi.

 933 total views,  2 views today