Rwanda:Imibare igaragaza ko ubucukuzi bw’amabuye y’agaciro bwinjije miliyari 275.5 Frw mu gihe cy’amezimezi 3
Yanditswe na Ngaboyabahizi Protais
Urwego rushinzwe Mine, Peteroli na Gazi mu Rwanda (RMB) mu mibare rwashyize ahagaragara yerekana ko mu gihe cy’amezi atatu abanziriza umwaka wa 2023,ubucukuzi bw’amabuye y’agaciro bwinjije miliyari zisaga 275.5 z’amafaranga y’u Rwanda.
Bisobanuye ko ubucukuzi bw’amabuye y’agaciro mu Rwanda bwohereje mu mahanga amabuye y’agaciro angana n’ibilo 5,925,199 akaba yaragurishijwe miliyoni zisaga 247 z’amadorali y’Amerika ku isoko mpuzamanga.
Ubuyobozi bwa RMB butangaza ko amabuye ya Wolfram yabonetse muri Mutarama ni ibilo 129,407 byinjije 1,723,665 muri Mutarama, ibilo 211,449 byinjije amadolari 2,973,988 muri Gashyantare n’ibilo 231,844 byinjije 3,261,757 muri Werurwe.
Zahabu na yo yabonetse muri Mutarama ni ibilo 870 byinjije miliyoni zisaga 53 z’amadolari y’Amerika muri Mutarama, ibilo 745 byinjije miliyoni zirenga 46 z’amadolari muri Gashyantare n’ibilo 1,465 byinjije miliyoni zisaga 90 z’amadolari muri Werurwe.
Gasegereti yabonetse muri Mutarama ari ibilo 316,093 byagurishijwe amadolari y’Amerika 5,436,480 akaba yarageze ku bilo 320,555 muri Gashyantare byagurishijwe amadolari 5,398,054 na ho muri Werurwe agera ku bilo 213,065 byinjije amadolari 5,903,483.
Byagaragaye kandi ko Coltan yagaragaje ubwiyongere mu madovize kuko u Rwanda rwagize bilo 124,514 byagurishijwe ku madolari y’Amerika 5,911,646 muri Mutarama, ibilo 138,205 byinjije amadolari 6,985,467 muri Gashyantare, n’ibilo 213,065 byinjije amadolari 11,415,082 muri Werurwe.
Andi mabuye y’agaciro yabonetse ni ibilo 2,545,274 yinjije amadolari y’Amerika asaga miliyoni 5 muri Mutarama, ibilo 500,971 byinjije amadolari arenga ibihumbi 872 muri Gashyantare, n’ibilo bisaga ibihumbi 827 byinjije miliyoni 2 z’amadolari muri Werurwe.
2,053 total views, 2 views today
