Amerika:Abasaga ibihumbi 40 bamaze guhitanwa na Koronavirus
Yanditswe na Ngaboyabahizi Protais
Mu gihe abasaga miliyoni 2,4 ku isi bamaze kwandura Koronavirusi, igihugu cy’Amerika ni cyo kimaze gupfusha benshi abagera ku 40.565 bazira iki cyorezo, mu gihe abagera kuri 1561 mu masaha 24, ashize bamaze kwitaba Imana.
Imibare igaragaza ko Amerika yonyine ku isi ifite abantu764,265 bamaze kwandura mu gihe 71,012 aribo bamaze gukira, ibi rero ni bimwe mu bituma Amerika ikomeje guca agahigo ku bwandu ndetse no gupfushabenshi ku isi.
Igitangaje muri Letya zunzubumwe z’Amerika ni ubwo imibare ari minini ni uko abaturage b’aho bo barahiriye kutaguma mu ngo zabo aho bakomeje kwigabiza imihanda, basaba ba Guverineri z’izo Leta kubareka ngo bikomereze imirimo yabo aho gukurikiza gahu day a Guma mu rugo.
Abigaragambije kuri uyu wa 19Mata ,2020 ni abo mu Lata za Montana , Washington Arizona na Corolado.
Perezida wa Leta zunz’Ubumwe Donald Trump ashimangira ko gufungira abaturage mu ngo bidakwiye ngo kuko bikwiye kugenda bigabanywa buhoro buhoro kugira ngo barusheho kwiteza imbere, ibi rero ni bimwe mu bituma atavuga rumwe na bamwe mu bayobozi b’iki gihugu.
Inkuru Rwandayacu ikesha ikinyamakuru Igihe.rw, ivuga ko kugeza ubu mu gihugu cya Afghanistan giherereye muri Aziya, ho abantu 40 bakora mu biro by’umukuru w’igihugu, Ashraf Ghani, basanganwe Coronavirus.
Kugeza ubu ntibiratangazwa niba perezida Ghani w’imyaka 70 yaba nawe yaranduye.
Abanduye muri iki gihugu ni 996 mu gihe 33 bamaze gupfa.
Ishami ry’Umuryango w’Abibumbye ryita ku Buzima, OMS, riratangaza ko kugeza ubu abanduye Coronavirus ku Isi bageze ku 2 407 600, abamaze gupfa ni 165 083 naho abamaze gukira ni 625 312.
Ibihugu bifite abanduye ndetse n’abapfuye benshi, ku mwanya wa mbere haracyari Leta Zunze Ubumwe za Amerika, Espagne iri ku mwanya wa kabiri kuko ifite abantu 198 674 bamaze kwandura n’aho 20 453 bamaze gupfa, u Butaliyani bufite abanduye 178 972 mu gihe 23 660 bamaze gupfa.
Mu Bufaransa abantu 152 894 bamaze kwandura, abandi 19 718 bamaze gupfa.
U Budage bufite abanduye 145 742mu gihe 4 642 bapfuye, u Bwongereza bufite abanduye 120 067 ariko abamaze gupfa ni 16 060.
Ku Mugabane wa Afurika, abantu 22 992 ubu bamaze kwandura Coronavirus, abamaze gupfa bageze ku 1 128.
Kugeza ubu Afurika y’Epfo yaje imbere n’abamaze kwandura benshi kuko ari 3 158 mu gihe abamaze gupfa ari 54, ikurikirwa na Misiri ifite abanduye 3 144 abapfuye ho bageze kuri 239.
Algeria niho hamaze gupfa abantu benshi muri Afurika kuko ari 375 mu gihe abamaze kwandura ari 2629.
Muri Afurika y’Iburasirazuba, Kenya niyo ikomeje kugira abanduye benshi kuko ubu bageze kuri 270 mu gihe abamaze gupfa ari 14 , mu Rwanda hamaze kuboneka abantu banduye 147 ariko abamaze gukira bageze kuri 76, Uganda baracyari 55, muri Tanzania hamaze kuboneka abantu 170 hamaze gupfa barindwi, mu Burundi habonetse batanu, hamaze gupfa umwe mu gihe muri Sudani y’Epfo ari bane banduye.
