Amerika:Coronavirus ikomeje kugarika ingogo
Yanditswe na Ngaboyabahizi Protais.
Imibare igaragaza ko kuri uyu wa 11 Mata 2020, Leta Zunze Ubumwe za Amerika, Koronavirus yahitanye abagera ku2,028 mu gihe cy’amasaha 24 ashize.
ku munsi umwe
Ibi rero ni buimwe mu bituma iki gihugu kiza ku myanya ya mbere ku isi yibasiwe na Koronavirus, ibi rero biza bikurikira imibare yagaragaje ko ku wa 10Mata 2020, hapfuye abagera ku 1900 yabahitanye.
Kuuri uyu wa Gatandatu tariki ya 11 Mata 2020, imibare y’ubwandu bushya n’abahitanywe n’iki cyorezo ubu yazamutse ku isi hirya no hino, aho abamaze kwandura bagera kuri 1,700,007,abamaze gupfa 102,751, abakize iki cyorezo ni 376,529.
Muri Leta Zunze Ubumwe za Amerika zatangaje ko abantu bose bamaze gupfa ari 18,798 kandi imibare irakomeza kuzamuka buri munsi, ibi bikaba bitangazwa n’inzego z’ubuzima zo muri iki gihugu, aho abagera kuri 502,876 bamaze kwandura Coronavirus muri iki gihugu.Abagaragayeho ubwandu bushya ku wa 10 Mata ni 35,579 , aho umugi wa wa New York , ariwo uza ku isonga mu kugira abafite ubwandu bwa Coronavirus,aho abagera kuri 172,358 bamaze kwandura, mu gihe abandi 7,844 bamaze gupfa. Abagera kuri 777, muri uyu mugi honyine barapfuye.
Kuri iyi igihugu cya Espagne gifite abanduye 158,273, abamaze gupfa ni 16,081, u Butaliyani abanduye ni 147,577 mu gihe abamaze gupfa ari 18,849.
Ubufaransa abamaze kwandura ni 124,869 naho abamaze gupfa ni 13,197, mu Budage abanduye bamaze kuba 122,171 mu gihe abapfuye ari 2,736.
Ubushinwa aho iki cyorezo cyatangiriye mu Mujyi wa Wuhan umwaka ushize, abaturage bavanywe mu kato, abanduye ubu ni 81,953, naho abapfuye ni 3,339.
Ku rutonde rw’ibihugu byibasiwe na Coronavirus,Leta Zunze Ubumwe za Amerika, Espagne, u Butaliyani, u Budage n’u Bufaransa ni byo biza ku isonga mu gupfusha umubare munini w’abaturage bazira Coronavirus.
Muri Afurika, ibihugu 52 kuri 54 nibyo ubu bwandu bumaze kugeramo, abantu 13,539 bamaze kwandura, 697 bamaze gupfa mu gihe abandi 2,237 bamaze gukira.
Algeria niyo ifite abantu benshi bapfuye aho bamaze kuba 256 mu gihe 1,761 bamaze kwandura, Afurika y’Epfo nicyo gihugu gifite abanduye benshi kuko ari 2,003 , abantu 24 bamaze gupfa.
Mu muryango wa Afurika y’i Burasirazuba, Kenya ifite abarwayi 189, barindwi bamaze gupfa naho 22 barakize, u Rwanda rufite abarwayi 118, barindwi bamaze gukira, Uganda ifite abarwayi 53, u Burundi batatu, Tanzania ifite32 batatu bamaze gupfa, naho Sudani y’Epfo yo ifite abarwayi bane.
Kugeza ubu mu Rwanda abamaze kwandura iki cyorezo bagera mu 118, mu gihe abagera kuri 7, bakize bagasubira mu miryango yabo nyuma yo kuvurwa bakagaragaza ko nta kimenyetso bafite cy’uburwayi.
