Rutsiro:Mushubati Inzoga z’inkorano z’izwi nk’imisiyana n’imisembeba zikomeje guhungabanya umutekano

Yanditswe na Chief Editor.

Bamwe mu baturage bo mu murenge wa Mushubati, akarere ka Rutsiro, bavuga ko bahangayikishijwe n’umutobe uzwi ku izina ry’imisembeba n’imisiyana, banywa zagereranywa n’inzoga z’inkorano ikomeje  gutera imyifatire mibi n’amakimbirane mu miryango, aho abagabo , abagore n’abakobwa badatinya gukora ibiteye isoni mu ruhame.Ubuyobozi bw’akarere bwo butangaza ko bugiye guhagukurukira iki kibazo.

Bamwe mu baturage bavuga ko iyi misembeba n’imisiyana, hari abayinywa bazi ko ari imitobe nyamara ngo ni inzoga z’inkorano 100%.

Maniriho Eugene ni umuturage wo mu murenge wa Mushubati yagize ati: “ Hari imitobe y’inkorano ntawamenya uburyo ikosemo , gusa ngo harimo amasukari na pakimaya ndetse n’amafumbire, usanga abantu bayiroha baziko ari umutobe nyamara mu kanya gato ugasanga uwayinyoye ari kwigaragura mu nzira , ibi bintu rero rwose biraduhungabanyiriza umutekano , kuko iyo umuntu amaze kuwunywa ahita amera nk’umusazi agata ubwenge , rwose ubuyobozi nibuhagurukire iyi misembeba n’imisiyana kuko iratuma bamwe bazahatakariza

Iyo umuntu amaze kunywa umutobe wiswe umusembeba muri Rutsiro, abura ingufu, agasinzirira ku nzira

ubuzima”.Kantarama Marguerite we ngo asanga iyi mitobe ari urukozasoni ku bayinywa.

Yagize ati: “ Umugore amara kunywa iriya misembeba ugasanga arifuza gusambana n’umwana abyaye, umukobwa amara kuwunywa ntiyimenye, agakoreshwa ibya mfura mbi, ari nayo mpamvu usanga muri uyu murenge wacu, umubare w’abakobwa babyarira iwabo ugenda wiyongera buri munsi, rwose uriya mutobe ushora abantu mu ngeso mbi, kuko ni inzoga ntabwo ari umutobe ni inzoga kandi   ikaze cyane”.

Umuyobozi w’akarere ka Rutsiro  Ayinkamiye Emerence     avuga ko iki kibazo kibaraje inshinga nyuma yo kucyumva, kubera ko batari bakizi bagiye kugishakira umuti.

Yagize ati: “Ikibazo cy’imisembeba n’imimisiyana ni umutobe rwose tutari tuzi, ibyo na byo koko niba abaturage bari kubinywa ubuzima bwo mu mutwe bugahinduka, ntabwo twari tukizi, ubu tugiye kumanuka, tuganirize abaturage tubigishe ko bakwiye gukoresha umutobe w’ibitoki umeze neza, aho gukora inzoga z’inkorano bazitirira umutobe kandi ari ibiyobyabwenge, rwose ibi ntabwo bikwiye ko abantu banywa ibishobora no gutuma  bakora ibiteye isoni mu ruhame”.

Mu karere ka Rutsiro kugeza ubu habarurwa abakobwa batewe inda zitateguwe basaga 480, abenshi ngo bakaba bazitwara nyuma yo gushukishwa ziriya nzoga z’inkorano.

 1,434 total views,  2 views today