Tuesday, April 16, 2024
Latest:
Ubukungu 

Nyabihu:Abanyamuryango ba Sacco Rugera babangamiwe no guhabwa serivise mu nzu  idasobanutse

Rwandayacu02

 

Yanditswe na Ngaboyabahizi Protais

Abanyamuryango ba Sacco Rugera babangamiwe no kuba bahabwa serivise mbi  kubera inyubako ntoya , kandi bigaragara ko ishaje, ibintu bituma ngo batabasha kwirinda Covid19, Ubuyobozi bwa Sacco Rugera bwo butangaza ko iki ,mibazo bukibona ariko ngo izira iracyari ndende, kugira ngo babe bakubaka inyubako ijyanye n’igihe.

Umwe mu banyamuryango ba Sacco Rugera,Ukizuru Adrien  wo mu kagari ka Nyagahondo

Yagize ati: “Nk’ubu mpamaze amasaha agera kuri ane nta serivise ndahabwa ibi biterwa no kuba iyi sacco ikorera ahantu h’imfundanwa, nta buhumekero, ntitubona aho twicara, tekereza kubona Sacco imara imyaka igera kuri 12, abanyamuryango batanga imisanzu, kandi bigaragara ko yunguka, ariko ntitugire ikibanza cyo kubakamo inzu, tugahora dukorera ahantu mu kumba kadasobanutse, ikindi nko muri ibi bihe byaCovid 19, bwo hari ubwo bamwe bashobora kwanduza abandi, turasaba Umucungamutungo wa sacco yacu klugaragaza ubushake bwo gukorera ahantu hasobanutse”.

Undi  munyamuryango wa Sacco Rugera  we avuga ko atumva neza imikorere y’abayobozi ba Sacco yabo, ngo kuko ntibyumvikana kuba sacco nk’iriya ifite abanyamuryango basaga 5000, babura gukorera ahantu hasobanutse.

Yagize ati: “ Twebwe nk’abanyamuryango twibaza impamvu Gerant wacu adashyira umuhate mu kutwubakira ahantu ho gukorera hasobanutse, amabati arashaje, nta bwiherero busobanutse wahasanga, iyo twicaye ugira ngo ni muri kabari k’urwagwa, turi abanyamuryango batari munsi y’ibihumbi bitanu ariko kwiyubakira inzu isobanutse twajya duherwamo serivise nziza kandi inoze byaratunaniye, ibi njyewe mbona uruhare rw’abayobozi bacu arirwo rubura, ikindi kugeza ubu nta nama n’imwe yari yaterana ngo tumenyeshwe uko umutungo wacu uhagaze ngo nibura turebe abura dutange imisanzu twiyubakire aho gukorera hasobanutse”.

Abagana Sacco Rugera babangamiwe no kuba inzu baherwamo serivise ari ntoya kandi ikaba ishaje (foto Ngaboyabahizi Protais).

Umucungamutungo wa Sacco Rugera,Munyentwali Pierre  Celestin, we atangaza ko nawe asanga kubaka bikwiye ariko kugeza ubu nta sambu bafite ariko ngo bari mu nzira yo gushaka uburyo bakubaka ahantu ho gukorera.

Yagize ati: “  Muri gahunda y’imyaka itanu iri  imbere , duteganya kuzashaka aho ,ubaka ahop gukorera, turateganya kuzubaka muri santere y’ubucuruzi ya Gashushya, ibi bizatuma abanyamuryango babonera serivise ahantu hasobanutse, ntibivuze ko na hano hataba heza naho ariko twasanze iki kibanza kiri mu muhanda, ubu turimo turashakisha ikibanza rero, n’aho kubavuga ko batazi uburyo umutungo wabo ungana n’uburyo ucunzwemo , abo ntabwo nzi ibyabo kuko buri mudugudu na buri kagari bafite, ababahagarariye nibo dukorana inama na  bo bakajyana amakuru kuri bagenzi babo niba rero batabizi, turakomeza dukore ubukangurambaga bamenye amakuru”.

Umucungamutungo wa Sacco Rugera avuga ko nyuma y’imyaka itanu bazaba bamaze kubaka  aho gukorera hasobanutse (foto Ngaboyabahizi Protais).

Munyentwari akomeza avuga ko muri ibi bihe bya Covid19, bagerageza kujya binjiza abanyamuryango bake bakwira mu nzu bakoreramo abandi bagasigara hanze mu kibuga kandi batandukanye, ku bijyanye n’inama byo ngo ntibyakunda muri ibi bihe bikomereye isi n’u Rwanda muri rusange bya Covid19.

Sacco Rugera yafunguye imiryango  muri 2009, ikaba ifite abanyamuryango 6768, kandi ubuyobozi burateganya gukomeza kubongera binyuze mu bukangurambaga, dore ko kuri ubu iyi Sacco Rugera iteganya no gufungura amashami mu masantere anyuranye y’ubucuruzi yo mu murenge wa Rugera.

 1,533 total views,  2 views today

You May Also Like

Musanze: Amakoro yatanze akazi ku rubyiruko

Rwandayacu02

Musanze: Koperative ni akabando k’iminsi . Sengabo Umuyobozi wa MTC

Rwandayacu02

Icyuho mu iterambere abaturarwanda kizagaragazwa n’ibarura rusange rya 5 Yanditswe na Ngaboyabahizi Protais Mu gihe umwaka utaha wa 2022 mu Rwanda hateganyijwe ibarura rusange ry’abaturage, impuguke mu bukungu zavuze ko iri barura rizagaragza ahakiri icyuho mu guteza imbere abaturage, bityo zigaragaza n’ingamba zafatwa mugihe byagaragara ko abanyarwanda biyongera ku muvuduko udasanzwe. Ubusanzwe ikigereranyo cy’Ikigo gishinzwe Ibarurishamibare kigaragaza ko kugeza ubu abanyarwanda bagera kuri miliyoni 13. Ariko muri Kanama umwaka utaha wa 2022 u Rwanda ruzakora ibarura rusange ry’abaturage, kugira ngo rumenye neza umubare nyawo w’abaturage barwo, hagamijwe kugena ibigomba kubakorerwa byatuma batera imbere mu bukungu no mu mibereho yabo ya buri munsi. Bamwe mu baturage basanga ibarura rusange rifite akamaro ndetse bakagaragaza ingamba zikwiye gufatwa mu maguru mashya, mu gihe byagaraga ko ko abanyarwanda biyongera ku muvuduko uri hejuru. Umwe ati “ Abaturage benshi ntabwo babura kuba ikibazo, kuko iyo babaye benshi ntacyo gukora, batuma igihugu kidindira.” Undi ati “ Numva buri munyarwanda yakabyaye abana batatu, azashobora kurera, kuko n’akazi kabuze.” Undi muturage yagize ati “ Leta yadushakira imirimo kandi ikoroshyamo ukuntu, buri wese agakora kumafaranga.” Ibarura rusange riheruka muri Kanama 2012 rigaragaza ko u Rwanda rwari rutuwe n’abaturage 10, 537,222 abantu biyongereyeho 2, 6% ugereranyije no mu 2002 aho abatuye u Rwanda bari 8,128,553. Abasesengura imy’ubukungu basanga mu myaka 10 ishize hakozwe ibarura rusange, hari byinshi byakozwe mu guteza imbera abaturage, ariko ko irizaba umwaka utaha rizagaragaza aho igihugu gikwiriye gushyira imbaraga, mu guteza imbere abaturage. Habyarimana Straton impuguke mu bukungu arabisobanura. Ati “Bifasha igihugu kumenya ngo ahantu hatashyizwe ingufu ni hehe? Noneho dushaka kunoza? Hari igihe ubasha kumenya uti abantu bize ni aba naba, abantu babasha kugera ku bigo by’imari ni aba, ababasha kugera kuri interineti ni aba. Ibyo byose bituma umenya uti nubwo nkora ibintu byiza, hashobora kuba hari ahantu nateshutswe mfite intege nke, bityo ukabafasha kubikosora hakiri kare iyo ni indi impamvu ya kabiri ibarura rifasha mubukungu bw’igihugu.” Habyarimana yakomeje agira ati “Kuba tubizi ko umubare w’abaturage wiyongera ni byiza harimo amahirwe, ariko hari ibintu tugomba kwitondera. Icya mbere kugira ngo kuzamuka kw’abaturage benshi amahirwe ni uko abo baturage tubabyaza umusaruro. Iyo rero ufite abantu bangana na 16% badafite akazi, ayo ni amaboko atabyazwa umusaruro.” Ikigo cy’Igihugu cy’Ibarurishamira giherutse kujya inama ko inzego bireba zikwiye gufata ingamba, kugira ngo ubwiyongere bw’abaturage bube amahirwe ku gihugu. “Urebye mu myaka 30 tuzaba turi byibura miliyoni 22. Umuntu ashobora kuvuga ati ibyo biteye ikibazo! Bishobora kuba ari ikibazo ariko byaba n’amahirwe, ndetekereza ko uwo mubare abantu bakwiye kuwubyaza umusaruro”. Ivan Murenzi ni umuyobozi wungiriye w’ikigo cy’ibarushimamibare Iki kigo kandi kivuga ko ibarura rusange ritaganyijwe umwaka utaha, rizagaragaza ifoto y’imibereho y’abanyarwanda muri iki gihe nk’uko Venant Habarugira ushinzwe amabarura mu kigo cy’Igihugu cy’Ibarurashimibare. Ati “Tubaza ibintu byinshi abaturarwanda bose kugira ngo tumenya kwa kuntu babayeho, wa mubare ni bangahe kuva ku rwego rw’igihugu, kugera ku rwego rw’Akagari n’umudugudu. Ibarura ryonyine niryo ritanga imibare y’abaturage kugera ku rwego rwo hasi rushoboka. Ubwo rero ibiva mu ibarura ni byinshi cyane, kuko niryo ritwereka ishusho rusange y’uburyo abaturage bahagze mu gihugu.” Ni ku nshuro ya Gatanu u Rwanda rugiye gukora Ibarura Rusange ry’Abaturage risanzwe rikorwa buri myaka 10, uyu ni umwe mu mishinga y’ibanze Igihugu gishingiraho kugira ngo kigene ibigomba gukorerwa abaturage.

Rwandayacu02