Ngororero:Urubyiruko rw’i Muhanda rurashimira RPF Inkotanyi ikomeje kubafasha kwihangira umurimo

 

Yanditswe na rwandayacu.com

Urubyiruko rwo mu murenge wa Muhanda , akarere ka Ngorero kuri ubu ruravuga imyato, Umuryango RPF Inkotanyi kuba ukomeje kubitaho ubaha imirimo ndetse ukabafasha kuwihangira.

Iyo ugeze mu murenge wa Muhanda ku masantere y’ubucuruzi anyuranye uhasanga urubyiruko rwhangiye imirimo mu ikoranabuhanga, ubuhinzi n’ubworozi bya kijyambere , abandi na bo usanga bakora ibikorwa bituma bazamura impano zabo mu buhanzi.

Aha bamwe mu rubyiruko rwa Muhanda bari mu gikorwa cyo kwamamaza abakandida ba RPF Inkotanyi mu nteko ishinga amategeko (Photo Archive).

Nsengimana Justin wo mu kagari ka Bugarura,  ni umwe mu bahanzi , avuga ko RPF Inkotanyi yakomeje kubegera kugira ngo biteze imbere.

Yagize ati: “Icyambere na bonye RPF Inkotanyi yakoze ni ukubohora igihugu cyacu, igahagarika Jenoside yakorewe abatutsi 1994, yakorwaga cyane n’urubyiruko rwakuriye muri Politiki mbi, ubu rero kuri twe yadutoje gukunda igihugu n’umurimo, ibi bituma twirindagutekereza ku bikorwa bibi, bamwe muri twe yadufashije kwiga , idufasha kwihangira umurimo, ikindi ni uko ubu natwe dukora muri VUP tugakuramo ifaranga rituzamura”.

Nsengimana akomeza avuga ko kuri we yumva azakomeza gukunda RPF Inkotanyi no kuyikorera.

Yagize ati: “ Ubu nshingiye ku byiza RPFInkotanyi, nzakomeza kuyikunda no kuyikundisha abandi ubu niyemeje gukora ibihangano bivuga ibyiza byayo kandi ngira ngo no mu gihe cy’amatora ya Perezida wa Repubulika mwagiye mubona mukanumva ibihangano byanjye”.

Urubyiruko rw’i Muhanda ruvuga ko ruzakomeza gukotera RPF Inkotanyi (Photo Archive).

Mwiseneza Eliab ni umwe mu rubyiruko rwahawe umurimo mu gikorwa cyo kubungabunga umugezi wa Sebeya, avuga ko iyo bitaba imiyoborere myiza ya RPF Inkotanyi atajyaga gukoramo.

Yagize ati: “ Ubu ikiza cya RPF Inkotanyi ni uko buri munyarwanda areshya n’undi, iyo bitajya kuba imiyobirere myiza irangajwe imbere na RPF Inkotanyi, akazi kaba gahabwa ababyeyi bafite ingo gusa, ariko ubu nanjye ndakora nkinjiza amafaranga kimwe n’ababyeyi banjye, ndashimira rwose imiyoborere myiza ya RPF , kuko hari n’amatungo igenda yoroza urubyiruko”.

Bamwe mu basheshakanguhe bo muri Muhanda bavuga imiyoborere myiza ijyana urubyiruko heza n’igihugu muri rusange.

Umwe muri bo yagize ati: “Mbere ku bwa Leta zabanjirije iy’ubumwe bw’abanyarwanda urubyiruko rwabaga rutozwa inzangano, n’ivangura ariko urw’ubu usanga RPF Inkotanyi yararubibyemo urukundo ubumwe n’ubwiyunge, mfite imyaka 68, sinigeze mbona ahoi ubuyozi buhagurukana n’urubyiruko ngo rugiye kubakira utishoboye rukabikora rudahembeshe, ubu rero urubyiruko rwo muri Muhanda ntirwabura gushimira Inkotanyi zibatoza urukundo zikabaha umurimo ndetse zikabereka uburyo bwo kuwuhanga”.

Kugeza ubu urubyiruko rwibumbuye mu rugaga rwa RPF Inkotanyi mu murenge ewa Muhandarukora inbikorwabinyuranye mu iterambere, kandi muri ibi bihe Covid 19, yazahaje isi itaretse n’u Rwanda Uru rubyiruko rukomeje kugira uruhare mu kuyikumira rutoza abaturage kugira isuku.

 

 2,135 total views,  2 views today