Burundi: Abantu batanu basanzwemo Coronavirus
Yanditswe na Editor
Minisiteri y’Ubuzima mu Burundi yatangaje kuri uyu
wa Kabiri, taliki ya 21 Mata 2020 ko ku ya 18 na 19 Mata, uyu mwaka,itsinda ry’abaganga ryakoze igenzura ku barwayi batanu baheruka gusangwamo COVID-19, umuntu umwe wayiketsweho n’abantu 198 bahuye n’abanduye, bose hamwe bagera kuri 204, hakaba hagishaklishwa abandi.
Koronavirusi ni icyorezo kimaze kuyiogoza isi n’abayituye
Ibi byatangajwe mu gihe hari abandi bantu bane baherutse gusangwamo icyorezo cya Koronavirusi,bo bakize neza bakaba barasezerewe.
Minisiteri y’ubuzima mu Burundi iragira iti : « Mu bizamini byafashwe, ku bantu batanu bari basanzwe barwaye COVID-19, byerekanye ko nta virus ikibari mu maraso kandi umurwayi wakekwagaho iyi virus na we twasanze ntayo yanduye.Mu bantu 198 bahuye n’abanduye, batanu basanzwemo COVID-19.”
Minisiteri y’ubuzima mu Burundi, ikomeza ivuga ko mu barwayi basanzwe, bane bari bamaze iminsi bitabwaho n’abaganga basezererewe muri Clinique Prince Louis Rwagasore kuri uyu wa Kabiri taliki ya 21Mata 2020.Kandi ngo gushakisha no kumenya abantu bose baba barahuye n’aba barwayi batanu bashya ba COVID-19 bigikomeje.
Muri iki gihugu cy’UburundiNi abamaze kugaragara ko barwaye Koronavirusi ni 11,Umuntu umwe akaba yarapfuye azide Koronavirusi, abarundi bakaba basabwa gukomeza kubahiriza amabwiriza bahabwa na Leta binyuze muri Minisiteri y’ubuzima ,mu kwirinda iki cyorezo cya Koronavirusi.
Kugeza ubu ku isi yose abamaze kwandura iki cyorezo ibihumbi 69 bakaba barayikize burundu.
556 total views, 2 views today
