Kigali: APR FC yisubije umwanya wa mbere by’agateganyo nyuma yo gutsinda ikipe ya Espoir ibitego 3-1.
Twizerimana Philemon.
Umukino wabereye kuri Stade ya Kigali i Nyamirambo wahuje amakipe yombi warangiye ari ibitego 3 bya APR FC kuri 1 bya Espoire y’i Rusizi, uyu mukino waranzwe n’ishyaka ku mpande zombie aho amakipe yombi yagaragazaga inyota yogutsinda uyu mukino .
Ku munotawa 19 ni bwo Niyomugabo Claude wari wasimbuye Mangwende ku ruhande rw’ibumoso nibwo yahinduye umupira neza mu rubuga rw’amahina maze Janvier Mushimiyimana aba aritsinze biba bibaye 1-0, amakipe yombi yakomeje gusatirana kugeza igice cyambere kirangiye.
Mu gice cya kabiri APR yatangiranye ingufu maze mu minota 2 yambere y’igice cya kabiri ku mupira Manishimwe Djabel yari azamukanye neza awuhereza Nshuti Innocent awushose mu izamu maze umunyezamu arawugarura usanga Danny Usengimana nawe awushose Patient warindaga izamu rya Espoire FC awushyira muri Cornel.
Mu gice cya kabiri, ku munota wa 55 ni ibwo Kyambadde Fred yishyuriye ikipe ya Espoire igitego yari yatsinzwe mu gice cyambere.
Ku munota wa 61 nanone Niyomugabo Claude yongeye gusubira izamu rya Espoire FC abatsinda igitego cya kabiri cya APR FC, nyuma y’uko umutoza wa APR FC yarakoze impinduka zatangaga ikizere.
Umukino wakomeje APR FC irushaho gusatira mu izamu rya Espoire FC, ku munota wa 63 ikipe ya APR FC ibifashijwemo na Danny Usengimana yayitsindiye igitego cya gatatu ku mupira Djabel yari ateye mu izamu umuzamu Patient akawukuramo maze Danny agahita asongamo.
Gutsinda uyu mukino byatumye APR FC isubirana umwanya wambere n’amanota 21, Police FC izakirwa na Etincelles FC ku Cyumweru ifite 18 ku mwanya wa kabiri mu gihe Mukura Victory Sports ifite amanota 17 ku mwanya wa gatatu.
Ababanjemo hagati y’amakipe yombi:
Abakinnyi ba APR FC babanjemo
Rwabugiri Umar, Omborenga Fitina, Niyomugabo Claude, Manzi Thierry, Mutsinzi Ange, Bukuru Christophe, Niyonzima Olivier Sefu, Byiringiro Lague, Usengimana Danny, Manishimwe Djabel, Nshuti Innocent.
Abakinnyi ba Espoir FC bitabajwe
Ndikuriyo Patient 23, Kyambadde Fred 4, Uwineza Jean de Dieu 12 ,Mushimiyimana Janvier 2, Uwizeyimana Shadrack 17, Nshimiyimana Elysee 14, Kayiranga Moussa 6, Niyonsaba Eric 7 Musasizi John 5,Nkunzimana Sadi 9, Nkurunziza Felicien 13.
Undi mukino wabaye kuri uyu wa Gatanu warangiye Sunrise FC inyagiye Heroes FC ibitego 4-1.
Gahunda y’Umunsi wa Cyenda wa Shampiyona
Ku wa Kane tarikiya 21 Ugushyingo 2019
Gasogi United 1-1 Musanze FC
Ku wa Gatanu tarikiya 22 Ugushyingo 2019
- Sunrise FC 4-1 Heroes FC
- APR FC 3-1 Espoir FC
Ku wa Gatandatu tariki ya 23 Ugushyingo 2019
- Marines FC vs AS Muhanga
- AS Kigali vs Kiyovu
Ku Cyumweru tariki ya 24 Ugushyingo 2019
- Gicumbi FC vs Rayon Sports FC
- Bugesera FC vs Mukura VS
- Etincelles FC vs Police FC
764 total views, 2 views today